時尚精品

主題公園早已宣傳萬聖節的新搞作，靈魂人物羅蘭姐今年繼續參與「哈囉喂」的拍攝工作，以俏護士造型登場，真係寶刀未老，獲網民大讚又索又可愛。

高海寧（高Ling）亦有份拍廣告，身穿護士服扮冶艷，更驚喜地化《恐懼鬥室》木偶Billy妝示人，網民大讚無違和感、高Ling好玩得，仲搞笑話「想聽佢講I want to play a game」

多年嚟高海寧（高ling）都被網民取笑佢同《恐懼鬥室》嘅Billy撞樣，今次佢唔怕俾人笑，以Billy妝配上性感護士look登場。佢仲喺IG上載呢個造型嘅相片兼留言話：「Do you want to play a game？」，唔少網民都大讚佢玩得同欣賞佢識自嘲。連網絡紅人瓊姐都喺專頁開PO讚高Ling抵得諗又識娛樂大家。

估唔到個PO未夠一個鐘，就成功引到高Ling現身，佢仲回覆留言話自己從來冇介意過俾人話似Billy，仲估唔到因為咁而接到廣告，要多謝大家咁話。另外，高Ling仲話原本個廣告係唔使化SAW妝，不過橫掂都係，不如玩盡啲。

高Ling咁玩得，真係抵佢長做長有嘅！